SuperDizionari

mandâ jù loc.v.

Fâ lâ intun puest o intune posizion calcolade plui basse o plui meridionâl

esemplis

"si faseve, la sabide dopo misdì, la spongje e, dopo di vêle striçade dal pignot, le mandavin jù pal poç tal zei dal lidric par che si indurìs vie pe gnot"

gjavât fûr di "Il cuader de none" di Pieri Menis

"sul moment al fo mandât jù un agnul inta val di Gjosafat par eseguî la volontât di Dio"

gjavât fûr di "La invidiose" di Luigi Gortani

mandâ jù loc.v.

Gloti, fâ passâ tal stomi ce che si à in bocje

sinonims

parâ jù, gloti, butâ jù

esemplis

"mi à dade la gavete plene di mignestre di vuardi. O ai mandât jù dut cence tirâ flât"

gjavât fûr di "Il «miracul» di un ûf" di Pieri Menis

mandâ jù loc.v.

Sopuartâ une ofese, une umiliazion o acetâ alc che si calcole negatîf o diviers di ce che si volarès o di ce che si spietisi (fig.)

sinonims

parâ jù, gloti, butâ jù

esemplis

"tasê, simpri tasê, mandâ jù i grops e suiâsi las lagrimas par tantas ofesas"

gjavât fûr di "Cjara o bec?" di Valter Rodaro

"e je dure di mandâ jù par Alì Shinà, la nestre idee di libertât"

gjavât fûr di "Un blanc e un neri" di Igor Londero

mandâ jù loc.v.

No dî o ritirâ peraulis o pinsîrs

esemplis

""Cu la spade tes fasarès mandâ jù chestis peraulis di tradiment…""

gjavât fûr di "Strumîrs e Çambarlans" di Alviero Negro

mandâ jù loc.v.

Fâ lâ vie une magle, il sporc o altri

esemplis

""Siôr Nardin al veve une magle di ont cussì grande su la gjachete. [...] O ai scugnût sfadiâ une ore par mandâjale jù""

gjavât fûr di "Comari 'Sese" di Bruno Paolo Pellarini

monolengâl